*

2009-01-14T23:51:00.001Z

Það fæddist brandari í dag:

Garnastífla coecum hægða.

Siðferði talna

2009-01-12T18:18:00.003Z

Ég var í aðgerð í dag. Vegna þess að ég tapaði steinn-skæri-blað keppni við Hrafnkel bekkjarfélaga minn sem var með í skurðstofunni þá fékk ég ekki að aðstoða. En horfði þó á aðgerðina. Ég var að vísu eftir á frekar feginn að vera ekki skrúbbaður inn þar sem það voru ekkert gríðarlega spennandi verkefni sem Hrafnkell tókst á við. Helst að halda fæti á lofti í langan tíma.
Þegar maður fylgist með aðgerðum án þess að vera skrúbbaður inn, hefur maður oft meira frelsi til að fá ný sjónarhorn á sjúklinginn og sjá betur. Það var raunin í þessari aðgerð. Mér gafst einnig tími til að detta í svolitla hugleiðslu. Ég man nú fæst af því en það sem ég man skrifa ég niður hérna til gamans.
Aðgerðin snerist í stuttu máli um það að hlúa að brunasjúklingi. Það er gert á ýmsa vegu og er t.d. ein leiðin að flysja ysta lag húðarinnar, epidermis ásamt smá hluta af dermis, af einum stað á líkama sjúklingsins og færa annað. Þetta er gert með apparati (dermatome) sem er hægt að líkja við ostaskera. Afflysjaða húðin er þannig mekanískt færð á annan stað í þeim tilgangi að hjálpa gróandanum þar með því að auka staðbundið á byggingarefnin og verja svæðið fyrir áreiti.
Ég fór að hugsa um að þessi aðgerð er í grunninn unnin upp úr sömu aðferðafræði og ferli sem frumur líkama okkar (og frumur flestra lífvera jarðar) nýta. Ég hef kynnt mér þetta ferli í tengslum við rannsóknarverkefni sem ég gerði í sumar og á 3. ári. Því hefur verið fleygt til að lýsa svona líkindum að ekkert sé nýtt undir sólinni og það er mikið til í því. Það eru líka ákveðnar ástæður fyrir því.
Þetta ferli sem um ræðir kallast sjálfsát. Það er ferli sem fruman getur framkallað ef hún verður fyrir svelti, skorti á vaxtarþáttum eða þarf að endurvinna skemmd prótein eða frumulíffæri. Í þessu ferli setur fruman saman einingar úr fjölmörgum próteinum sem umlykja frumulíffæri, prótein eða annað innihald umfrymis frumunnar. Þessar sjálfsátsblöðrur eru svo látnar renna saman við leysiblöðrur sem fruman hefur smíðað sem leysa upp innihald sjálfsátsblöðrunnar með ýmsum ensímum. Eftir verða amínósýrur og fitusýrur, byggingareiningar sem fruman getur svo nýtt sér í framhaldinu til að viðhalda sér. Með öðrum orðum, fruman étur hluta af sjálfri sér til að bæta upp skort á öðrum stöðum.
Það eru ýmis mynstur í þessum heimi sem lífverur beita, meðvitað en langoftast ómeðvitað til að hafa áhrif á umhverfi sitt. Öll byggjast þau á ákveðnum tölum og mynstrum þeirra sem vefa saman eðli okkar alheims. Þessar torræðu tölur hafa t.d. verið nefndar pí og náttúrulegi logrinn. Eðli alheims okkar fæðir svo af sér ferli eins og t.d. efnahvörf og flóknari útfærslu þeirra, líf. Allar aðferðir okkar, orsakir og afleiðingar eru því byggðar upp úr mynstrum talna sem þessara.
Nú hefur okkur verið kennt að lífið sé eitthvað sem bera skuli virðingu fyrir og það sé jafnvel æðra en aðrir leikir talna okkar heims sem mynda þessi mynstur. Ég er því sammála, enda er það eitthvað sem mér hefur verið innrætt.
Það er hinsvegar spurning hversu mikla virðingu þessar tölur bera fyrir lífinu en ég geri mér litla sem enga grein fyrir siðferði talnanna í okkar alheimi og þá t.d. hvers vegna þær vefa þessi mynstur.

Train of thoughts

2009-01-05T15:22:00.004Z

Ég átti andvökunótt í gær. En samt alveg æðislega andvökunótt.
Ég fíla nefnilega stundum svona andvökunætur þar sem maður hugsar um allt nýja stöffið sem maður veit og skipuleggur hugsanir sínar. Hugsar fram í tímann, hugsar um lífið, vini, stelpur, menntun og sköpun. Algjör snilld. Svona svipað og maður ætti hvort sem er að vera að gera ef maður væri sofandi. Ég er reyndar drulluþreyttur núna þrátt fyrir að hafa fengið mér blund. En það er þess virði.

Ráðstefna í líf og heilbrigðisvísindum

2009-01-03T20:51:00.001Z

Ég verð með þetta plaggat á ráðstefnu í líf og heilbrigðisvísindum á þriðjudaginn næstkomandi.

Google smekklegir - view photos!

2008-12-31T14:49:00.002Z

2008-12-31T13:25:00.007Z

Það er gríðarlegur heigulháttur og tilgangslaus fylgispekt sem Kolbrún Bergþórsdóttir boðar í Mogganum í gær. Mér sýnist hún meira að segja vera að svara ákveðinni grein sem hún þorir ekki einu sinni að tilgreina.
Hún segir að það megi ekki vera ósáttur við eitthvað án þess að koma með tillögu að breytingu. Því er ég algjörlega ósammála. Það á ekki að þurfa að vera forsenda, til þess að mega sýna að maður sé ósáttur við núverandi stöðu mála, að maður sé með hugmynd um breytingu. Breytingin kemur líka þegar vígin falla.
Ég sé fyrir mér Kolbrúnu ræða við vinkonu sína hvers sambýliskona beitir ofbeldi á hverjum degi. Vinkonan er ósátt og vill slíta samvistum. Kolbrún segir þá á sinn yfirvegaða og rökvísa máta: "Já en þú verður þá að koma með hugmyndir um hverjum þú ætlar að búa hjá ef þú vilt ekki búa hjá henni".

2008-12-28T15:35:00.004Z

Nýji Animal Collective diskurinn er aaalltof góður. Sérstaklega lagið My Girls.

2008-12-20T21:21:00.000Z

Stjórnvöld eiga á suman hátt að vera eins og kríur. Sveima kringum varplendið. Verja það fyrir ránfuglum.
Þau hafa samt verið meira eins og dúfur. Tómt augnaráð. Flögrandi um stúkurnar. Skítandi á hausinn á táknmyndum þjóðarstoltsins.
En það er einn mikilvægur flötur á þessu.
Ef það hefðu verið sett höft á bankana á sínum tíma. Á tímum ímyndaða góðærisins þar sem ekki mátti gera neitt til að hrekja auðmennina úr landi. Auðmennina sem væru nú að skapa þessi “gífurlegu verðmæti” þá hefði aldeilis verið maldað í móinn. Andinn var einfaldlega þannig. Þá hefðum við einnig séð fólk á Austurvelli að baula og púa.
Það hefði þó óneitanlega verið öllu skemmtilegra að sjá Sigurjón Árnason, Bjöggana, Bjarna Ármanns, Hannes Smára og Jón Ásgeir vaðandi drulluna á Austurvelli.
Við megum ekki gleyma ránfuglunum. Þetta eru menn sem hafa unnið við það óáreittir að ljúga því að 2+2 séu 5. Í langan tíma.
Það er mjög mikilvægt að áherslan í mótmælunum liggi ekki bara á linkind stjórnvalda gagnvart illfyglum.
Mótbyr almennings gegn fjölmiðlalögunum á sínum tíma afsakar þó ekki stjórnvöld. Ábyrgðin er einnig þeirra. En gleymum ekki ránfuglunum. Þeir munu halda áfram að blóðga okkur og éta börnin okkar.

Frábær fýr

2008-11-16T20:50:00.000Z

Ég held ég hafi séð einn skemmtilegasta mann á Íslandi áðan.
Maður hlýtur allavega að vera helvíti skemmtilegur ef maður
getur boðið sjálfum sér út að borða og haft svo gaman af
að maður lygnir aftur augunum og sælubrosir út í bæði.

2008-11-09T13:53:00.008Z

Mig dreymdi að Ísland og framtíðin bæri í skauti sér einhverskonar neo-kommúnisma ala Equilibrium. Þó kannski ekki alveg eins extrem. T.d. þá var ég að fara með einhverju fólki í supermarket og þá hafði víst ríkið tekið yfir verslun í landinu og sameinað í alveg risa-risastóra byggingu. Byggingin var meira að segja svo stór að þegar maður komst inn, eftir að hafa beðið í einhverja stund í röð, þá var þar samgöngukerfi, einhvers konar lestarkerfim sem voru þó litlir, opnir básar svipað og í tívolí. Þar gátu 3-4 setið í í einu og fluttu básarnir þá á þann stað í búðinni sem þeir vildu komast á. Áður en við gátum sest í þessa bása þurftum við þó að ganga í gegnum eitthvað tékk. Þrír verðir tóku á móti okkur og leituðu á okkur. Handahófskennt völdu þeir víst líka út manneskju til að taka í aukatékk. Einn þeirra valdi mig til að fara í tékk. Það fólst í því að dýfa höndunum í djúpbláan vökva í skál. Láta hendurnar standa þar í 2 mínútur og skola þær svo með tærum vökva í annarri skál. Þetta átti að leiða í ljós hvort ég væri "skítugur" á höndunum. Ég var ekki alveg viss hvort það var að vera almennt skítugur eða hvort það var eitthvað sérstakt efni sem hér um ræddi.

Einnig dreymdi mig að Myllan væri með útibú fyrir neðan efsta hluta Laugavegs þar sem Suðurlandsbraut byrjar. Á götunni var svo umferðareyja með litlum viðarkofum sem á stóð "Brauð" og var einskonar geymsla. Haukur og Heimir voru með mér á rölti þarna og þeim datt í hug að það væri sniðugt að opna þessar geymslur. Þær voru ólæstar svo þeir hófust handa við að stela heyi sem var í taupokum í geymslunni enda var hey víst orðið töluvert verðmæt vara á þessum tíma.

Sökudólgar kreppunnar

2008-11-04T19:56:00.008Z

Úps. Ég er víst ekki hæfur til að koma nálægt viðskiptum, þar sem ég er karlmaður. Það er víst ólíklegt að ég hafi verið alinn upp til að taka tillit til annarra eða finna til og sýna samkennd.
Hvernig væri það ef karlar myndu koma fram í hrönnum og segja að ástæða kreppunnar séu þau ítök (litlu sem miklu) sem konur hafi haft í viðskiptum. Hinir kvenlegu eiginleikar hafi hreinlega mengað stöðugleika og valdið óróa og óöryggi sem olli svo því að bátnum hvolfdi? Talið sé að fyrirtíðarspenna hafi átt hlut að máli og verið sé að vinna að lausnum á því.

Hrekkjavakan í ár

2008-10-24T00:52:00.002Z

Don't mind me, I'm just a house.

2008-10-22T23:50:00.002Z

2008-10-17T01:23:00.005Z

Eftir fyrstu hlustun á nýju Secret Machines plötuna (S/T) þá hef ég það á tilfinningunni að hér sé á ferðinni, eitt svaðalegasta dæmi sem ég hef heyrt um plötu sem hreinlega kaffærir sjálfri sér. Of-unnasta plata sem ég hef heyrt lengi, því miður, því sum lögin hefðu getað orðið mun betri án glimmersins. T.d. trommu noise fuckið í "The walls are starting to crack", hversu vandræðalegt getur eitt breakdown orðið?........svona vandræðalegt. Það vantar líka allan kraft í sönginn í flestum lögunum, ég heyrði live- upptöku af "Last believer, drop dead" sem var svo hundraðfalt meira sannfærandi. "I never thought to ask" drukknar í delayum, skelfilegt. Vonandi vinnur platan á.

Hamstur

2008-10-13T21:26:00.006Z

Heyrst hefur að ástæðan fyrir því að helstu dólgar viðskiptalífsins hafi ekki mætt í viðtöl undanfarið sé að þeir séu uppteknir við að sýna samkennd gagnvart almenningi. Þeir hafa heyrt sögur af ákveðnu fyrirbæri sem er vinsælt nú á dögum og vilja ólmir taka þátt. Þetta fyrirbæri kalla menn víst að hamstra. Þannig hefur nú sést til nokkurra þeirra hlaupa og hjóla sem aldrei fyrr á hreystitækjum sínum, fyrir opnum tjöldum. Þetta er gert í þeirri von að fólk sjái að þeir taki ábyrgð og séu venjulegir menn sem hamstra eftir allt saman.

2008-10-12T16:02:00.002Z

Vinsælir frasar í kreppunni:

"þyngra en tárum taki"
"þannig er það bara"
"blabla lýðskrum"
"hagfræði 101"
"Kreppu-[hvaða orð sem er] hohoho"
"út með Davíð"
"lifi Davíð"
"afhverju lækka þeir ekki stýrivextina"
"hneppa börnin okkar í þrældóm"
og auðvitað allir frasar sem við koma sjómennsku

2008-10-07T16:34:00.001Z

Ég verð að viðurkenna að ég var alls ekki búinn að búa mig undir það að verknámið á 4. ári yrði svona ótrúlega skemmtilegt.
Stundum getur það greinilega borgað sig að búa sig undir það versta.

2008-10-05T18:16:00.001Z

Ég er búinn að ákveða áletrunina á legsteininn minn:

Már Egilsson 1985-?
LÍF (Látinn í friði)

Húmor.

2008-10-04T19:10:00.001Z

Hér með kunngjörist: Ísland er á sýru

2008-10-02T21:52:00.007Z

Það er kostulegt (og vonandi ekki lýsandi fyrir þjóðina) að þrjár vinsælustu fréttir vikunnar hjá eyjunni.is séu þessar:

1. Staðfest: Kynlífsmyndband af Britney til sölu
2. Patrick Dempsey gefinn fyrir flengingar
3. Eva Mendes skotin í Keiru Knightley

Þrjár vinsælustu fréttirnar hjá visi.is lofa ekki miklu betra:

1. Afturendi Aniston vekur athygli - myndir
2. Gallabuxur Katie Holmes gagnrýndar - myndir
3. Lesbíurnar fá ekki frið í fríinu - myndir

Og loks af vef dv.is:

1. Rændur af berbrjósta ljóskum
2. Finnst kynlíf með Paris Hilton ógeðslegt
3. Bubbi vonast til að halda húsinu

2008-09-15T20:06:00.003Z

Ég hef það gott þessa dagana, amk miðað við aðstæður. Ástin er hverful og ellikerling seilist eftir ættingjum mínum. Undanfarna daga hef ég setið klukkustundunum saman á rasskinnunum í niðurníddum leikskóla sem læknadeild HÍ var svo elskuleg að redda okkur vesenis námsmönnunum. Á flestum öðrum stöðum þróaðri landa teldist það sjálfsagt að nemendur hefðu sérútbúna aðstöðu til lesturs og náms. Ég held mínu striki enda er ég frískur eins og morgundöggin eftir alla þessa rigningu.
Er að fara í HNE próf á miðvikudaginn og verður það endirinn á ákveðnu skurki og byrjunin á annars konar geðveiki. Rumpa þessu af. Svo er það vísindaferð á föstudaginn í Landsvirkjun, auk þess sem sama dag verð ég 23 ára gamall. Ég ætla að sletta ærlega úr klaufunum, svo mikið er víst.
Mér barst tilkynning í dag í tölvuskeyti þess efnis að 14 læknanemar myndu vera í verknámi á Fjórðungsspítala Akureyrar þessa önnina. Þar á meðal eru ég, Hrafnkell og Tómas, enda sóttum við um að fara í þetta og fengum tímabilið sem við sóttumst eftir, tvær síðustu skólavikurnar í desember. Það verður vonandi og væntanlega stuð.

2008-09-14T20:31:00.001Z

Ég held að maður sé orðinn frekar mikið heilbrigðisstéttarpervert þegar maður sér fegurðina í gróandi sári.

2008-09-11T18:09:00.003Z

Í bók um háls nef og eyrnalækningar (HNE/ENT) sem ég hef verið að skoða er ein áhugaverð raunmynd sem sýnir okkur ákveðið sjónarhorn á raddböndin og barkspeldið. Textinn við myndina er svo kolsvartur að hann fær mig til að hlæja í hvert skipti:
"A self-inflicted cut throat, giving a good view of the anatomy"

2008-08-31T12:15:00.002Z

Þetta lag er ótrúlegt, það er einhver draugur í stemmningunni í því. Og þvílíkir töffarar sem the flamingos eru.

2008-08-27T23:47:00.002Z

Ég flúði út um geimstöðina á síðustu stundu. Okkur hafði tekist að aftengja öryggiskerfið, fyrir algjöra lukku. Einhver hafði skilið tölvukerfið sitt eftir opið og við nýttum okkur það og flugum út í neyðarflaug.
Á eftir okkur kom hættulegur gæi, einhver viti borin vera með skriðdýrshaus í lítilli geimflaug.
Hann skaut á okkur á leiðinni á plánetuna og flaugin laskaðist vissulega, en við náðum að lenda og urðum hans ekki varir.
Skyndilega man ég eftir mér í einhverskonar matarboði/sundlaugaboði. Þar voru allar týpur fólks í sundi. Eftir nokkra stund þar fann ég að fólk var farið að haga sér undarlega. Veran með skriðdýrahöfuðið átti sennilega hlut í því. Ég sá nokkra bláleita menn sem augljóslega voru "holo-humans". Þeas ekki raunverulegir menn heldur innantómir hugdreifarar sem litu út eins og menn, fyrir utan örlítinn bláma. Þeir voru ekki að segja neitt af viti "skór blaðhamar hahah, skellur í" eitthvað sem hljómaði ágætlega í grunnum samtölum og small talki en kom skringilega út þegar maður fór að pæla í því. Tilgangur þeirra var, að dreifa huga fólks frá öðrum atburðum. Ég nefndi þetta við mann þarna og hann rankaði við sér og var sammála. Besta ráðið til að koma upp um hugdreifara var að rífa af þeim hanskana svo bláminn kæmi í ljós. Tilgátan reyndist rétt og eftir að við höfðum rifið af þeim hanskana hlupu þeir burt í óðagoti, eins og hrædd dýr en virtust samt mest óttast eigin tilveru.
Nú var staðurinn rýmdur og fólki var brugðið, því fannst það svikið. Einhverjum efnum hafði sennilega líka verið blandað í laugina eða drykkina/matinn. Fólk var undarlega hrifnæmt. Þetta lýsti sér best í tveimur konum sem gengu á móti mér, grátandi.
Ég spurði aðra þeirra hvers vegna hún gréti. Hún svaraði: "Ég var bara að átta mig á því hversu blendnar tilfinningar ég ber í garð þrælanna minna."

Bring on the madness

2008-08-24T23:49:00.003Z

Byrja í skólanum á morgun.
Gleðilegt haust.

2008-08-11T19:16:00.000Z

Þegar ég hafði slegið hausnum þeirra í vegg, og þannig drepið,
báða foringja ævintýraveranna þá fór viðvörunarkerfi í gang
og einhverskonar verðir og leynimerðir tóku að elta mig.
Ég ferðaðist í fjölda ára, um hálfgerðan hobbitaheim, grösugar
strásléttur með kofum og sól. Einum kofanum man ég sérstaklega vel
eftir. Þar bankaði ég á hurðina og út komu fyrst tvær konur.
Ég spurði þær hvort þær vissu af einhverjum stað í heiminum þar
sem ég gæti sest að. Þar sem ég yrði ekki eltur uppi. Þær gengu aftur
inn án þess að segja orð og út kom gamall maður með kræklóttar
krumlur og tannstöngul. Hann vatt sér að mér og sneri krumlunum
og tannstönglinum upp í loftið og sagði með titrandi en ákveðinni
röddu: "No one ever goes to the road to Guantanamo!".
"You do not go to the road to Guantanamo!"
Þá var téður vegur víst einhverskonar dularfullt limbó sem vísustu
menn hræddust og höfðu heyrt sögur af, svona svipað og Bermúda
þríhyrningurinn.
Ég fór að ráðum hans og heimsótti ekki þennan veg.

Saving Iceland

2008-07-24T16:58:00.006Z

Mögulega lífrænt ræktað álgjallarhorn og fartölva

Andri Snær sagði um daginn eitthvað á þá leið að sökum þess hvað hann ætti mörg börn þá mætti næstum því halda að hann væri foringi í sértrúarsöfnuði. Þarna finnst mér Andri hafa hitt naglann á höfuðið.
Andri er sennilega álfaforingi. Álfar hafa undanfarið klætt sig í mannalegri föt og haldið fyrirlestra. Í sameiningu hafa sumir mannálfarnir kallað sig Saving Iceland. Þeir vilja höfða til útlensku álfanna líka.
Álfar vilja ábyggilega ekki ál. Þeir hafa löngum búið í grjóthúsum og grasi og haldið sig við miðaldaverkfærin. Þeir vilja að mennirnir geri slíkt hið sama.
En að öllu gríni slepptu...
Andri sagði að umræðan um álver á Íslandi væri “komin á fáránlegt stig” og þar er ég að hluta til sammála honum. Að þeim hluta að umræðan er á villigötum. En það er reyndar engin nýlunda. Það hefur alltaf vantað lausnir í predikanirnar hjá álversmótmælendum.
Sífellt er verið að blóta og bölva áliðnaðinum en hvað er til ráða? Hvað er verið að biðja um? Jú, það er hægt að gagnrýna aðferðafræði ákveðinna álversfyrirtækja, sú gagnrýni er oft réttmæt. En að gagnrýna iðnaðinn sjálfan er hræsni á meðan afurðin er nýtt af prédikurunum, eins og Andri viðurkennir. Það má víst bara ekki “snúa umræðunni upp í það”.
Andri tekur svo mjög vandræðalegt dæmi, “það væri eins og ef einhver, sem væri mótfallinn því að setja niður kartöflugarð á Þingvöllum, væri vændur um að vera á móti kartöflum eða mat yfirleitt”. Hvað er þá kjarni málsins? Að það eigi ekki að vera álver á Íslandi, heldur einhvers staðar annars staðar? Er það virkilega það sem Andri er að reyna að berjast fyrir? Afhverju segir hann þá ekki einmitt það? Nú er ég engan veginn að reyna að snúa út úr heldur aðeins að reyna að skilja þetta dæmi.
Ef þetta er raunin þá finnst mér að félagsskapurinn mætti aðeins impra á þessu með því að hafa undirtitil í nafngift félagsins:
Save Iceland.....(fuck everyone else).
Trúir þú á álfasögur?

Ég á Kjarvalsstöðum

2008-07-21T18:15:00.001Z

"Mér finnst alltaf vera málverkasýning með Kjarvali hérna"

2008-07-20T17:27:00.002Z

Mér hefur alltaf fundist það meingölluð aðferðafræði að jafnréttissinnar hafi ekki undanfarið kosið að kalla sig einmitt nákvæmlega það. Ótrúlegt að stefna eða táknrænn hópur fólks kalli sig eitthvað sem strax með nafninu einu rýrir trúverðugleika málstaðarins. Þá er ég að tala um þá sem kalla sig femínista en eiga í raun við að þeir séu jafnréttissinnar. Femínisti er og var afar eðlilegt nafn yfir þá sem aðhyllast baráttuna fyrir bættum kjörum kvenna en mér finnst vera kominn tími til að gera greinarmun þarna á. Það var tímabært um leið og baráttan fór að snúast um bæði kynin. Þessi þrjóska til að gera nafnið og hreyfinguna ekki þroskaðri og víðtækari hefur leitt af sér enn meiri þrjósku og þrákelkni í þeim sem hafa fundið til hræðslu gagnvart femínistum. Þetta er orðið að bjánalegu reipitogi og kemur manni stundum fyrir sjónir sem einhvers konar Disney syndrome, óstjórnleg löngun til að hafa tvo stríðandi flokka, andstæður, gott og slæmt.
Svo dettur mér önnur ástæða í hug. Er þetta einhver yfirþyrmandi löngun til að sækja nöfn á trú sína í meira framandi stofna orða? Þeir jafnréttissinnar gætu kallað sig “ekvalista” ef þeim líður betur með það.
Ég myndi tvímælalaust kalla mig jafnréttissinna/ekvalista. Vissulega er ég femínisti og meilisti en ég er fyrst og fremst bæði. Ég ætla mér aldrei að skammast mín fyrir að vera karlkyns. Mér finnst margir sem kalla sig jafnréttissinna (en eru í raun fyrst og fremst femínistar og jafnvel profemínistar eða andmeilistar) beina áróðri sínum, með handapati og ásökunum, gegn því að vera af öðru kyninu skapaður. Eins og það megi ekkert vera hvorki kvenlegt né karlmannlegt. Þá á ég t.d. við eiginleika sem hafa verið sterkara tengdir öðru kyninu eins og samskiptahæfileikar, umönnun, skipulagshæfileikar, verkvit, rúmskynjun svo fátt eitt sé nefnt.

En ástæðan fyrir því að ég fór að velta þessu fyrir mér var aftur á móti það að bæði í dag og í gær sá ég í sitthvoru blaðinu (í Mogganum í morgun í grein um Playboy), talað um “veikara kynið” og var þá vísað til kvenna. Þetta stakk í bæði skiptin í augun og hljómaði í hvorugt skiptið eins og tilraun til húmors heldur frekar niðrandi. Annars hef ég nú ekki verið þekktur fyrir að taka undir gagnrýni á eitthvað ákveðið orðalag sem er blásið upp sem andfemínískt. En þetta finnst mér vera frekar áberandi skítkast hvort sem það var meðvitað eða ómeðvitað.

2008-07-03T19:39:00.005Z

Frábært að strætó verði aftur frír fyrir námsmenn í sumar. Mér finnst að vísu undarlegt að ekki sé reynt að hvetja til meiri nýliðunar í strætónotendahópnum með því að hafa smá útvíkkun á skilmerkjunum fyrir því að fá frítt í strætó. Jafnvel hafa frítt fyrir alla.

Draumurinn væri að hver og einn gæti keypt sér árlegt kort í strætó fyrir 10-20 þús kall. Í kortinu væri mynd af manni og nafn og kennitala. Þar að auki væri í því örflaga sem gerði það að verkum að hægt væri að skrá hversu mikið maður notar strætó. Kortið væri svo straujað þegar gengið væri inn í strætó. Tölvubúnaður í "posanum" myndi svo geyma þær upplýsingar sem væru tæmdar úr á kvöldin (punkturinn er að það þyrfti ekki að "sækja heimild" svo þetta tæki enga stund).
Þessar upplýsingar væru notaðar til að efla kerfið enn frekar. Jafnvel væri tekið upp einskonar punktakerfi. Fyrir hvern dag sem strætó væri notaður fengist ákveðið magn af punktum. Þessir punktar myndu eftir ársuppgjör veita skattaafslátt eða önnur sambærileg fríðindi ef þær næðu ákveðnu lágmarki.

2008-06-19T21:06:00.003Z

Ég lagði mig áðan og dreymdi frekar flottan og óvenju skýran draum.
Ég var með þremur manneskjum að horfa á ótrúlega fallegt málverk sem stóð á vegg heima hjá einhverjum. Á því var fallegt borgarlandslag sem minnti á einhverja blöndu af forngrískum og aðeins nýlegri suður-evrópskum stíl af mikilfenglegum mannvirkjum. Bakvið herlegheitin voru ógurleg fjöll og skriðjöklar. Málverkið var í áþreifanlegri þrívídd og borgin stóð aðeins útúr því á meðan það var eins og fjöllin og himinninn hafi verið innar. Ég man eftir að hafa starað á það og fundist borgarmyndin hreyfast aðeins til hliðanna og landslagið líka en aðeins hægar. Ég fann fyrir víddinni í verkinu. Ég sagði: "Vá þetta málverk er svo dáleiðandi." Þau sem horfðu á það með mér samsinntu mér. Næst áttaði ég á mig því að ég hafði ekki hugmynd um hvaða borg þetta var eða staður, þó ég kannaðist mikið við þetta.
Ég sagði því, til að dylja fávísi mína: "Vitið þið hvaða staður þetta er? Þetta hérna (og benti) kennileiti gefur nefnilega mjög góða vísbendingu um það, ásamt öðrum reyndar." Hinir komu með hugmyndir: "Er þetta ekki Cox Carta?" sagði einn en þá sagði annar "nei ég held þetta sé Maunessia. Við sjáum það á borgarastyrjöldinni sem er í gangi hér og það glittir í hjálmana hérna." Við þetta vaknaði ég. Ég hef aldrei heyrt þessara borga getið en mér er skapi næst að mála eða teikna þessa mynd sem ég man ágætlega vel.

Flutt var verkið: Maður pissar

2008-06-02T20:09:00.005Z

Það þarf svosem ekki mikið frávik í heilastarfsemina upp fyrir heiladauða til að ýta á hnappinn á símanum mínum. En það breytir ekki því að þessi mynd atarna sem ég tók á laugardaginn er ein flottasta mynd sem ég hef séð lengi. Ég kalla hana "Flutt var verkið: Maður pissar".

Ég má eiginlega til með að minnast á það einnig að nokkuð sem ég myndi einna helst vilja heyra spilað ógeðslega hátt á skemmtistað þessa stundina er byrjunin á laginu Imperials með Ratatat. Mæli með því fyrir sundgarpa og aðdáendur tónlistar.

Allt of töff

2008-05-20T13:17:00.001Z

Wall-E Spotted in LA! from Blink on Vimeo.

2008-05-19T10:56:00.004Z

Ég var svolítið þunnur í gær. Þó ekki þannig að ég hafi verið með hausverk eða neinskonar verki, bara þetta sloj ský sem svífur yfir manni og hægir á viðbrögðum manns... og fær mann/eða amk mig til að segja hluti sem meika ekki alveg sens svona eftir að ég er búinn að segja þá. T.d. punchline í eitthvað grín sem enginn fattar. Allaveganna þá fékk þetta mig til að hugsa um húmor. Hvað það er, í grunninn, sem mér finnst fyndið og afhverju mér finnst það fyndið. Ég komst að bærilegri niðurstöðu.
Það sem er fyndnast fyrir mér, er það sem kemur mér á óvart (sem er kannski "tærasta" hlið fyndninnar ef svo má segja) um leið og það sviptir hulunni af einhverju sem skiptir ekki svo miklu máli, þeas einhverju sem er þegar allt kemur til alls pretentious eða yfirborðskennt. Þetta er kannski illskiljanlegt án þess að ég setji fram aðstæður sem lýsa þessu:
Maður situr í ræðupúlti og talar um eitthvað yfir hóp fólks af gríðarlegri ástríðu og innlifun. Hann gæti t.d. verið rosalega hneykslaður á einhverju, t.d. að búið sé að banna götun á geirvörtum, hann verandi fyrrverandi pönkari, tekur þetta gríðarlega nærri sér og finnst þetta vera aðför að tjáningarfrelsi og umráðafrelsi yfir eigin líkama.
Þegar ræðan stendur sem hæst og hann læðir inn stuttri þögn til að auka dýnamíkina í ræðunni og fanga hug áhlustenda, þá rekur einhver í salnum svo hátt og snjallt við að það syngur í kristalsglösum og vatnskönnum sem standa á borðunum.

2008-05-17T18:47:00.001Z

í dag datt mér í hug að það gæti orðið gaman að sjá eitthvað
af því sem væri í boði á Listahátíð í Reykjavík.
Ég hafði nú ekki séð dagskrána neins staðar og fannst reyndar hálf
undarlegt að hafa ekki rekist á hana eins og maður gerir nú oft
þegar það eru svona hátíðir í borginni.
Ég veit ekki hvort ég sé eitthvað missing the point en
mér finnst það persónulega mjög skrýtið að það var ekki eitt
einasta atriði dagskrárinnar í dag í Reykjavík og reyndar skilst mér
að nálægasta atriðið hafi verið í um 250 km fjarlægð frá Reykjavík

2008-05-11T16:25:00.007Z

Fyrir þá sem hafa áhuga á málum sem þessum þá er hér mjög góð grein/ritrýni um fasísku bókina "Íslamistar og naívistar"
Kistan - Ingólfur Gíslason

Hér eru tvær ágætar tilvitnanir fyrir þá sem nenna ekki að lesa allt:

Ósanngjarn og lítillækkandi málflutningur um einstök dæmi sem ætlað er að sýna múslima í sem dekkstu ljósi er hvarvetna í bókinni, en þó er gerð tilraun til að sýna að þeir séu í raun einnig hlægilegir, á blaðsíðu 195: „Forsætisráðherra Tyrklands, Recep Tayyip Erdogan, fór þó út yfir allan þjófabálk, þegar hann æsti sig upp í að líkja Múhameðsteikningunum við ‘glæpi gegn mannkyninu’“. Ekki er vitnað til heimildar, svo ég fór á netið og reyndi að finna ummælin. Þau fundust ekki, en hinsvegar sagði Erdogan, samkvæmt Washington Post, „Á sama hátt og við lítum á gyðingahatur sem glæp gegn mannkyni, er íslamófóbía líka glæpur gegn mannkyni."

Þeir sem vilja reyna að komast til botns í þeim vanda sem fjölmenningarsamfélög hljóta að standa frammi fyrir eru gerðir hlægilegir og þeir sem trúa ekki hræðsluáróðrinum eru uppnefndir „naívistar“. Lausn bókarinnar er að krefjast „aðlögunnar“ innflytjenda, en notkun höfunda á því hugtaki er villandi. Í fyrsta lagi mætti segja að innflytjendur hefðu einmitt aðlagast mjög vel: þeir eru þar sem þeim var komið fyrir, þeir hafa aðlagast samfélagsstöðu þar sem menntunarleysi, fátækt og trúarofsi eru hlutskipti manna. Í öðru lagi mætti kalla þessa lausn að berja höfðinu við steininn, eða, eins og Eiríkur Bergmann Einarsson komst að orði í sjónvarpsþættinum Kiljunni, að hella bensíni á eld. Því það er alveg sama hvað höfundum bókarinnar eða öðrum finnst um það hvort „fjölmenningarsamfélagið“ gangi ekki upp, samfélög nútímans eru fjölmenningarleg, og því verður ekki breytt nema að menn vilji hefja stórfellda framleiðslu á gasklefum. Spurningin er hvað við ætlum að gera til að bæta samfélagið: að búa til grýlur úr ákveðnum samfélagshópum eða skapa öllum skilyrði til að lifa við virðingu, frelsi, öryggi og hamingjuleit. Það þarf ekki að taka fram að slíkt samfélag er aðeins fjarlægt markmið, en það er verðugt engu að síður.

2008-05-08T10:49:00.006Z

Ég hef aldrei verið mikill áramaður. Meiraðsegja það lítill að stundum þarf ég að hugsa mig smá um ef einhver spyr mig hvað ég sé gamall. Þess vegna finnst mér alveg sérstaklega tilgangslaust þegar fólk talar alltaf um árin í tónlist. Að þetta eða hitt árið hafi verið svona og svona gott út af því að þá kom þessi og þessi plata út. Þetta er eitthvað svakalegt fetish hjá fólki sem elskar árslista. Ég gerði reyndar sjálfur topp 5 eða 10 lista fyrir 2007, og jafnvel 2006. En það var ekki gert í þeim tilgangi að reyna að sanna það fyrir einhverjum að þetta hafi verið "gott" eða "slæmt" "tónlistarár". Ótrúlegt hvað menn geta karpað um eitthvað slíkt. Umræður um góðar og slæmar plötur eða tónlistarmenn skil ég. Þar sem menn eru að reyna að sannfæra einhvern um ágæti ákveðinnar plötu eða tónlistarmanna. Dreifa boðskapnum, reyna að fá fólki til að líða jafn vel og manni sjálfum þegar maður heyrir eitthvað. Kemur jafnvel fyrir að maður hálf vorkenni þeim sem njóta ekki þeirra forréttinda að fíla ákveðinn tónlistarmann eða plötu.
En það er eitthvað svo bjánalegt að ætla að koma einhverjum í skilning um ágæti ákveðins árs: "Hey come on, þú verður bara að gefa 2002 séns, það var rosalega gott ár, prófaðu að hlusta á það aftur og lestu þér til um heimsandann sem ríkti á þessu ári."
Hver er svo niðurstaðan? "heyrðu, vá, ég pældi aðeins í þessu og það er alveg rétt hjá þér, 2002 var rosalega gott ár".

2008-05-05T12:19:00.001Z

Einhver Hollywood gaur deyr og fer til himna. Þegar hann kemur að gyllta hliðinu sér hann glitta í mann sem sveiflast um á krana með áfastri videokameru svo hann segir hissa: "Ha? er James Cameron dauður?" Þá svarar Lykla-Pétur: "Nei, þetta er Guð, hann heldur að hann sé James Cameron."

2008-04-25T14:18:00.003Z

Geir H. Haarde bendir á að samgönguráðherra hafi sótt um undanþágu á hvíldartímaákvæðum til Evrópusambandsins. En ekki mega gleyma tilgangi þeirra.

Um gjaldtöku ríkisins bendir Geir á að ekki hafi orðið breyting á henni í nokkur ár. Hins vegar sé endurskoðun á henni á vegum fjármálaráðherra að ljúka. Hún sé þó ekki til komin vegna mótmæla bílstjóra.
http://ruv.is/heim/frettir/frett/store64/item203168

Þetta er nákvæmlega það sem á að segja við svona aðstæður, en hefði að vísu mátt segja fyrr. Fullkomin yfirlýsing hjá Geir Haarde. Bravó.

2008-04-25T01:07:00.002Z

Hvað er það sem fyllir borgara öryggi? Eru það stjórnvöld, skynsamir ráðamenn? Loforð og klipptir borðar. Löggæsla sem verndar borgarana? Fyrir dópistum, geðsjúklingum, unglingum. Fyrir þeim sjálfum. Kannski eru það líka að einhverju leyti fyrirtækin. Auglýsingarnar, neyslan, útrásin, peningarnir?
Eða eru þetta allt útúrsnúningar? Þurfum við kannski ekkert annað en heimili, fjölskyldu og vini?
Sennilega eiga allir þessir þættir misstóran hlut í því að búa til öruggan borgara.
En þegar brestur á einn þessara þátta þá myndast gárur sem leiða til kliðs og óöryggis.
Hægt og bítandi hefur trausti mínu og, að mér finnst, fleira fólks, á stjórnvöldum verið hnekkt verulega. Stjórnvöld, hvort sem er í borgarpólitíkinni eða á landsvísu, hafa virst vera gjörsamlega ófær um að starfa saman sín á milli og hvað þá með óbreyttum borgurum.
Ég held það sé óþarfi að rekja það eitthvað í smáatriðum en læt nokkur vel valin stikkorð duga: REI, bakstungur, miðbærinn, spilling, brotin loforð, Írak, verðbólga, landspítalinn, einkaþotur, ohf, fyllerí með almannafé, hroki, ofbeldi, vanvirðing og dónaskapur.
Nýjasta klúðrið kemur frá valdhrokafullum ráðherrum þar sem þeir lýsa með lítilsvirðingu yfir frati á mótmæli vörubílstjóra. Það minnsta sem þeir geta gert er að ljúga því að þeir ætli að skoða málið betur, ræða við mótmælendur, leysa málið. Það er í hlutverki þeirra, m.a., að upplýsa fólk um stöðu opinberrar skriffinnsku er varðar kjarabætur þeirra. En nei, þeir eru eins og ofaldir kálfar sem ropa því á blístri út í annað munnvikið að þetta séu hálfvitar sem standi í þessum mótmælum og þeir ættu að finna sér eitthvað betra að gera.
Svona menn þarf að taka af spenanum hið snarasta.
Þetta er þó ekkert sjaldkveðin saga, þetta er gert í hvert einasta skipti sem einhver rís upp og reynir að sýna hug sinn með mótmælum. Það er gert lítið úr þeim og hálfpartinn gert grín að þeim.
Það sem er nýtt í þessu er að settur er punktur yfir i-ið í hroki með því að ákveða að berja mótmælin niður í eitt skipti fyrir öll. Og þá bókstaflega. Beita ógn, hræða borgarana til hlýðni. Berja aðeins á lýðnum. Sprauta smá piparúða á þá. Klappa þeim með kylfunum. Leyfa þeim að finna fyrir því hver ræður. Það leysir vandann. Mótmælendur fara sneyptir heim og málið er leyst.
Ég ætla rétt að vona ekki.

2008-04-16T00:39:00.004Z

Það er kannski leiðinlegt að segja það en þeir fáu, líklega sirka fjórir, þættir sem ég hafði séð af sunnudagskvöldum með Evu Maríu hafði mér þótt misheppnaðir og leiðinlegir. En ég horfði að gamni mínu á þáttinn með Víkingi Heiðari Ólafssyni áðan og mér fannst þátturinn frábærlega heppnaður í það skiptið. Ég held að það sé ekki bara af samanburðarástæðum, var að horfa á hluta af Dreamgirls með systur minni en gafst fljótt upp. Ég byrjaði nefnilega að horfa á þáttinn á undan og gat vart hætt en tók mér svo pásu til að horfa á hluta af járnbrautarslysinu sem Dreamgirls er, sem (N.B.) systir mín er enn að reyna að þrauka yfir.
http://dagskra.ruv.is/streaming/sjonvarpid/?file=4360029

2008-04-12T12:15:00.003Z

Þetta er í fyrsta skipti sem ég sé ástæðu til að blogga einu óháðu moggabloggi:
Fastur í skotti bifreiðar

2008-03-31T01:21:00.005Z

Ég var rétt í þessu að festa reiður á skoðun sem ég finn mjög sterkt. Hún er sú að James Brown og R. Kelly eru á margan hátt alveg ótrúlega líkar týpur.
Helst er það vegna þess að þeir hafa báðir (að mínu mati) einhverjar fallegustu og sálarfyllstu raddir tónlistarheimsins og báðir syngja þeir undarlega texta sem hljóma oft eins og algjört kjaftæði og ilma stundum af undarlega taktlausri mynd af kynjahlutverkunum (þó það sé kannski mun meira áberandi hjá R. Kelly).
Það er einmitt eitt af því sem mér finnst svo æðislegt við þessa náunga -Þetta eru menn sem geta/gátu látið örgustu þvælu hljóma eins og demantshúðaðan heilagan sannleik. Þetta sýnir svo glöggt að mjög oft skiptir ekki máli hvað þú ert að segja svo lengi sem þú segir það á sannfærandi hátt.
Ef þeir hefðu haft áhuga á stjórnmálum og stjórnmálavit þá er ég viss um að þeir hefðu getað leitt heila þjóð í gegnum hvaða vitleysu sem þeim dytti í hug.

T.d. segir Brown fátt annað hér en "er þetta ekki fönkí!? yahh!" "Svona nú" "koma svo!" "gefðu mér það!" "haredda!" "klappa svo" "sláðu það!" "hérna".. Samt er ég rosalega sammála honum.
http://youtube.com/watch?v=LPyaF7_iUTA&feature=related

Hér syngur hann um að karlinn geri allt í heiminum en það væri einskis virði án konunnar. Held reyndar að hann hafi samið textann með vinkonu sinni.
http://youtube.com/watch?v=WeW_Zd2B2zU&feature=related

Og já... það þarf svosem ekki að hafa mörg orð um R. Kelly.
Þegar hann semur ekki textann er niðurstaðan oft yndisleg.
http://youtube.com/watch?v=QTahrYXCChI
En stundum finnst mér hálf vafasamt að njóta vitleysunnar sem hann lætur útúr sér þó hann syngi það vel. Ég nýt þess nú samt.
http://youtube.com/watch?v=6kcborcHBxc

Miðbærinn er ekki alslæmur

2008-03-28T10:26:00.003Z

Ef mér endist dagsbirtan er ég að hugsa um að taka myndir af fallegum húsum í miðbænum. Bíðið spennt eftir næstu færslu...

[uppfært]
...jæja, rölti í Kolaportið í morgun og tók myndir á leiðinni. Allar teknar stakar og ekkert photoshop. Blöðin hafa verið dugleg við það, undanfarna mánuði og sérstaklega vikur, að birta ljótar myndir af miðbænum.
Sjónarhorn þeirra kann að láta fólk halda að hér sé fátt annað en hús í niðurníðslu og dópgreni og að hér ríki ógeðsháttur og volæði. Ég er ekki sammála. Vissulega er vandamál með stök hús og ótrausta verktaka. Á því þarf að taka, ekki spurning, heilbrigðiseftirlit, fasteignalöggan...whatever. En þetta er aðeins lítið brot af miðbænum.
Ath. að þetta er bara hugsað til að gefa aðeins annað sjónarhorn en hysterískir fjölmiðlar gera of oft á Íslandi og er ekki ætlað sem ljósmyndunarmeistaraverk eða portfolio fyrir listaskóla. Sjáið t.d. litla kastalahúsið við tjörnina, það er löngu búið að þrífa þetta krot sem var sýnt á því í Fréttablaðinu í morgun.
Fólk má endilega halda áfram að koma með uppástungur að húsum sem myndu sóma sér vel í þessum hópi.

Márherra sakaður um hroka og kúgun

2008-03-27T14:13:00.005Z

Eftirfarandi skilaboð bárust frá umboðsmanni Fist Fokkers áðan:

mega kul Fist Fokkers tonleikar i kvold i Hollinni (djok, Hinu Husinu) kl 20 asamt Kid Twist ofl.

Sjá svarbréf Mása í fullri lengd

Árás Mása á trúverðugleika Fist Fokkers á sér ekki fordæmi segja lögmenn og stjórnarandstæðingar og saka Mása um hroka og kúgun.

I can haz no sleeps?!

2008-03-26T20:29:00.007Z

Föstudagurinn langi

2008-03-21T12:29:00.005Z

Föstudagurinn langi er í rauninni ekki eins sorglegur dagur og margir vilja meina. Því þeir sem þekkja söguna vita að líkt og tortímandinn snýr skaparinn aftur. Fyrir utan það er langur föstudagur líka miklu betri en stuttur föstudagur. Á páskum finnst mér að allir dagarnir ættu að vera gleðileg hátíð, hvort sem við gleðjumst yfir litlum kjúklingum sem verpa of stórum súkkulaðieggjum for their own good, hringrás lífsins eða uppvakningum.

Pólitískar leikbrúður, eftir Leoncie

2008-03-17T19:17:00.002Z

Fólkið þau stara á mig.
Breytingar eru á leiðinni.
Lífið er blekking
og hamingjusamt fólk eru drukkin allt í kring.
Þau eru að drekkja í sínum vandræðum,
skuldum og sorgum.
Þau eru að leita að sannleikanum
og ekkert finnst í spíraflöskunum.
Kosningar, verðbólga, stjórnmála, lygarar
húsin, sjónleikur, aðeins fyrir pólitíkusa.

Fólk er að þræla dag og nótt
Það er þrældómur, þrælahald, þrælahald á Íslandi.
Lífið er lúxus.
Brennivínið er líka lúxus.
Bílar og bensín, utanlandsferðir éta upp allt,
það er satt.
Fólk er að synda í skuldasúpum.
Kvarta og kveina í blöðum og útvörpum.
Þau eru að leita að sannleikanum
og ekkert finnst í tómum bjórdósunum.

Dollarar, krónur, bollur (?) og euro
Hvað skiptir það helvítis máli,
það er allt bara á zero.

Fólk er að þræla dag og nótt.
Það er þrældómur, þrælahald, þrælahald á Íslandi.
Lífið er lúxus.
Brennivínið er líka lúxus.
Bílar og bensín, utanlandsferðir éta upp allt,
það er satt.
Fólk er að synda í skuldasúpum.
Kvarta og kveina í blöðum og útvörpum.
Þau eru að leita að sannleikanum
og ekkert finnst í tómum bjórdósunum
og ekkert finnst í tómum bjórdósunum
og ekkert finnst í tómum bjórdósunum.

2008-03-09T19:46:00.003Z

CRYSTAL STRUCTURE OF THE NFKB P50/P65 HETERODIMER COMPLEXED TO THE IMMUNOGLOBULIN KB DNA.
Ég er að vonast til að þetta "ferlíki" sé víðsjóna ef horft er á þetta með red/cyan anaglyph gleraugum.

Meðfædd illska

2008-03-07T13:07:00.010Z

Já, ég er svo reiður og brjálaður eitthvað!! ARGHAH#&&%&!!
En hvað reitir mig til reiði? jahhh hvað reitir mig ekki til reiði? Ég sem karlmaður verð bara oft rosalega reiður og það er ekki nógu gott. Því þegar karlmenn verða reiðir þá taka þeir víst oftar en ekki upp á því að drepa konur og börn.
Þessir illu karlmenn. Óborganlegir.
Kynferði mitt og bæld árásarhneigð mín gerir mig eins og aðra karlmenn stórhættulega. Eða það virðist a.m.k. vera the general consensus í öllum umræðum um ofbeldi...
Einhverja alheimskustu setningu sem ég hef séð í langan tíma las ég í Fréttablaðinu áðan. Hún er svona, orðrétt: "Stærstur hluti fórnarlamba í stríði í dag eru óbreyttir borgarar, aðallega konur og börn".
Þegar því er haldið fram að karlmenn verði eitthvað minna fyrir áhrifum stríða þá er í rauninni um leið gefið í skyn að þeir séu einhvers konar skynlausir uppvakningar og drápsvélar sem velji það sjálfir að lenda í víglínunni sem óbreyttir borgarar eða hermenn bara svona "af því bara" eða að gamni sínu. Þetta finnst mér vera mjög ljótur og hallærislegur hugsunarháttur.

Það skal tekið fram að bloggari er friðarsinni og blíð manneskja sem myndi aldrei detta í hug að meiða börn eða konur en væri reyndar öllu líklegri til að ráðast á hina illu kynbræður sína.

2008-03-02T22:17:00.006Z

Hver einasti dagur í lífi mínu síðustu 3 vikurnar hefur í meginatriðum snúist um að læra fyrir próf. Mér líður eins og einbúa og sérvitringi þegar matartíminn hjá mér er orðinn ótrúlega vel skipulagður og hver mínúta í að lesa fréttablað eða blogg er mínuta "farin til spillis". Ég var samt eiginlega bara að átta mig almennilega á því rétt áðan hvað ég er orðinn viðbjóðslega þreyttur á þessu og sjálfum mér, herberginu mínu, matarvenjum mínum... Ég held samt að flestir í kringum mig njóti góðs af þessu (nema kannski fjölskyldan mín). Því hver einustu samskipti eru eins og konfektmoli og mér finnst alveg ógeðslega gaman að hitta fólk.

2008-03-01T10:44:00.005Z

Mig dreymdi að einhver var að sýna mér tölvuleik sem honum fannst alveg æðislegur. Þá sérstaklega fyrir þær sakir hvað hann var sniðugur og frumlegur. T.d. var það þannig að þú lékst minnir mig fyrrverandi hermann sem var fenginn í mission og þegar þú hafðir spilað leikinn í svona hálftíma þá skyndilega varstu kominn aftur á byrjunarreit, sem var hermaðurinn að vakna í rúminu sínu. Þá hafði hermanninn dreymt að missionið væri byrjað og maður spilaði bara með.

2008-02-24T13:35:00.005Z

Djöfull er ég súr með Eurovision niðurstöðuna. Menn hafa ekki einu sinni góðan smekk fyrir ósmekklegheitum.

Kreppa

2008-02-20T15:42:00.002Z

2008-02-20T14:57:00.002Z

Hvenær ætlar fólk að átta sig á því að málfrelsi er innantómt orð.
Það virðist vera að sumir haldi að það sé eðlilegt að fólk geti gert og sagt það sem því sýnist án þess að taka afleiðingum. Heimurinn er ekki þannig. Vitanlega. Orðum fylgir ábyrgð afleiðinga. Í því felst frelsissvipting alls - að taka afleiðingum. Og það er nákvæmlega ekkert að því. Ég er ekki að réttlæta neitt. Það er alveg jafn óeðlilegt að gera á annars hlut með öðru ofbeldi eða skandölum með fýsískum aðgerðum en því fylgir alveg sami hluturinn... afleiðingar. Þetta er svo einfalt.

2008-02-13T11:14:00.024Z

Fór í apótek í gær og þar óð upp í flanið á mér kona sem var með kassa af því sem hún kallaði "orkutöflur" og bauð mér að smakka.
Ég sagði "jahá, og hvað er í þessu? amfetamínsterar?"
"Hohoho, ö neinei þetta er svona ginseng og guarana, rosalega hressandi!".

Mér finnst það ótrúlega ósmekklegt hvernig apótekin og þá Lyfja sérstaklega er farin að græða á slöku eftirliti Umhverfisstofnunar með innflutningi náttúrulyfja. Náttúrulyf eru illa rannsökuð og óviðurkennd lyf sem gráðugt eða fávíst fólk notar til að græða á veiku eða fávísu fólki. Það er ekki flóknara. Það getur tekið mann viku að setja á markað náttúrulyf sem eru líkleg til að:
*Innihalda ekki þau efni sem auglýst er að séu í þeim (t.d. innihalda sum náttúrulyf þungmálma og sum jafnvel mismikinn styrk af viðurkenndum lyfjum sem hefur verið bætt í til að auka virkni þeirra, bólgueyðandi náttúrulyf bætt með sterum, stinningarlyf bætt með viagra o.fl.)
*Vera beinlínis hættuleg heilsu þess sem tekur þau. Valda krabbameinum, lifrarskaða, nýrnaskaða, blóðþynningu, maníu, svefnleysi, hjartsláttartruflunum ofl ofl.
*Valda fósturskaða.
*Valda mishættulegum milliverkunum við viðurkennd lyf.

Á meðan tekur það (skiljanlega) mörg ár að setja á markað lyf, sem eru gerð og hönnuð til að hjálpa fólki og hafa í öll þau ár sem þau eru í þróun verið ítarlega rannsökuð fyrir hjáverkunum og stillt fyrir skammtastærðum. Jafnvel þó það sé gert gerist það að hættulegar hjáverkanir sleppa framhjá augum rannsakenda.

Það sem truflar mig ekki endilega er notkun náttúrulyfjanna almennt. Fólk á að sjálfsögðu að fá að ráða hvað það gerir við líkama sinn (með fulla vitund um mögulegar afleiðingar þess).
Það sem er verra er að náttúrulyf og viðurkennd lyf eru sett undir sama þak sem meðvitað og ómeðvitað truflar hæfileika fólks til að gera greinarmun á þessum tveimur ólíku hlutum og átta sig á því hvað liggur að baki.

Hugsanlegt mottó sumra náttúrulyfjaframleiðenda?:
Allir sem taka þetta lyf læknast fljótt, nema þeir sem lyfið gagnast ekki, þeir deyja allir. Því er augljóst að lyfið bregst aðeins í ólæknanlegum tilfellum. Galen, 2.öld eftir Krist.

2008-02-07T15:24:00.000Z

Stundum mismæli ég mig. Mismælið er þá oftast þannig að ég, í einhverjum flýti, nota orðtak á stað sem er ekki alveg fullkomlega viðeigandi. Ekki óviðeigandi en maður finnur að það er eitthvað rangt í gangi. Þegar ég var yngri gerði ég þetta svolítið oft. Þá var það af fávísi. Nú er það afþví að óþarft aukaorð fylgir stundum með í setningu því ég hef heyrt því fleygt í samhengi hinna orðanna. Stundum er líka mekanísk orðmyndun mín ekki á sama meitlunartempói og conceptual mynd mín af því sem ég er að segja.
T.d. sagði ég í gær við Úlf, "úff ég hrökk nú bara upp af, ég var bara að vakna..", þegar hann hringdi í mig.. Vanalegast merkir að hrökkva upp af að deyja. Þetta er svosem ekki gott dæmi.
Verra var það þegar ég var lítill og skyldi einfaldlega orðtök eða hugtök ekki fullkomlega. Þá sagði ég t.d. eitt sinn við ömmu mína, eftir að hún hafði geispað djúpt og lengi, "þú bara geispar næstum golunni". Þetta var ekki póesía, bara heimska.
Svipað var uppi á teningnum þegar systir vinar míns bauð mér sætið sitt og hún var hissa að ég þáði það ekki: "Ha nei nei, ég er svo mikil standpína". Þá hafði ég ekki lært merkingu orðsins til fullnustu en fannst ég þó skilja þessa samsetningu. Eftir mikil hlátrasköll komst ég að því að þetta var frekar fyndin notkun þess og bauð uppá misskilning.

Sherlock Holmes

2008-02-05T01:01:00.000Z

Eftirfarandi lýsing birtist á bankaræningja sem framdi rán með exi í Glitnisbanka í morgun:
"Lögreglan segir, að ræninginn, sem sé talinn vera á aldrinum 20-25 ára, sé hvítur á hörund. Hann er fölleitur og með kringluleitt andlit."
Eftirmálar:
Maðurinn og vinur hans sem talinn er hafa átt aðild að ráninu fundust seinni part dags á snyrtistofu, þar höfðu þeir skellt sér í klippingu, sprey-tan og andlitsbað.
Kenning:
Mennirnir hafa reynslu af ránum. Ránið var því úthugsað og þaulskipulagt. Mennirnir höfðu báðir safnað fölva, skít í andlitið og hári svo mánuðum skipti. Það var ekki nóg með að þeir klæddust hettupeysu og sólgleraugum til að dulbúa sig heldur fóru þeir eftir ránið á snyrtistofu til að afmá öll spor og fullkomna þennan snjalla glæp.

Hollur kveðskapur

2008-02-02T20:45:00.001Z

Deyr fé,: deyja frændur,: deyr sjálfur ið sama. En orðstír: deyr aldregi: hveim er sér góðan getur.

2008-02-01T16:11:00.000Z

Eftirfarandi er eitt flottasta cover sem ég hef séð ever. Ætla að athuga hvort tónlistin standi undir væntingum.

This Will Destroy You - Young Mountain

2008-01-26T14:08:00.000Z

Ég hef ekkert haft neitt sérstaklega sterka skoðun á þessum borgarstjórnarskiptum sem hafa farið fram utan þess hvað mér finnast þau ógeðslega fyndin.
En þegar það kemur í ljós að þetta vandómbæra (það skal tekið fram að þetta lýsingarorð er notað vegna fyrirliggjandi ákvarðana og verka en ekki kastað fram vegna sjúkrasögu ákveðins aðila enda finnst mér hún ekki koma neinum við í smáatriðum) fólk/maður hafi eytt sennilega hundruðum milljóna í að varðveita einhver ljótustu kofaskrifli miðbæjarins sem eru, að ég veit með fullri vissu, að rotna og grotna í sundur á alla mögulega vegu, þá hlæ ég ekki alveg eins dátt.
Þetta gerir miðbæinn ekki betri, ekki fallegri svo mikið er víst og þetta gerir hann hvorki ríkari að menningu né uppruna. Það er nákvæmlega EKKERT rómantískt við þetta.
Hinsvegar klúðruðu menn ótrúlegu tækifæri til popúlisma og menningarvarðveitingar með því að kaupa ekki Hljómalindarhúsið eða Sirkus-húsið og gera þau hús upp. Þetta eru húsin sem hafa raunveruleg verðmæti á bak við sig. Þetta eru sjarmerandi hús sem hýsa m.a. með kröftugri ungmennagrasrót menningar og mannlífs bæjarins og eiga mikla sögu í lífi miðbæjarins síðustu 10-20 árin. Á bak við þau er mun fleira fólk, meiri menning og ríkari saga sem hægt væri að taka margfalt lengra heldur en íþróttavörubúð og undirfataverslun.

Ólafur skilgreinir góðan íþróttamann

2008-01-25T09:23:00.000Z

"Menn verða líka að kunna að spila með kúkinn í buxunum en það þarf ákveðinn þroska til þess sem tekur oft mörg ár að ná."

Ólafur Stefánsson, vanur kúkalabbi

Pennafimi

2008-01-24T19:34:00.000Z

Það skemmtilegasta við borgarstjórnarfundinn voru ekki háværir mótmælendur, ekki viðbrögð snautlegs Ólafs, ekki íronían í því að Dagur var laslegur og með slæman hósta og ekki einu sinni góðar ræður Dags og Svanhildar. Það albesta var að fylgjast með þeim starfsmönnum borgarstjórnar sem sátu hring í kringum þrumandi ræðumennina og gerðu leikfimiæfingar með pennana sína.

Fallegt orð: Semaphore - séma - phore. Signal-bearer. Merkis-beri. Merkir tækni til skilaboðasendinga með t.d. ljósum, armhreyfingum (pennahreyfingum?) og táknum í ætt við það.

Listasmíð

2008-01-14T23:19:00.000Z

Ég hef hér smíðað lista yfir hluti sem ég mun taka með í Noregsferðina sem farin verður á miðvikudaginn og fram til mánudags. Endilega komið með uppástungur þeir sem lesa. Áfram Ísland!

Vasaljós
Sængurver
Magnúsver
Pictionary
Pharmacology Condensed
Nærbuxur og sokka
Ullarsokka
Föðurland
Íslandstreyju og trefil
Vettlinga
Góða skó
Spilaspil
Þurrmat
Penna
Stílabók

X-factor Danmörk

2008-01-12T14:14:00.000Z

Flottasta X-faktor atriði sem ég hef séð. Einhvers konar tvíraddað söngjóðl sem ég hef bara aldrei heyrt áður.

Draumur

2008-01-08T13:58:00.000Z

Mér fannst skrýtið að enginn sæi dansandi kúrekafæturnar út úr skuggamyndunum sem ég gerði með höndunum.
Vitur maður sagði mér og öðrum að það hefði allt eins getað verið asni sem hefði látið krossfesta Jesú, það var bara einhver sem þurfti að segja "krossfestið hann", skipti ekki máli hver. Þetta var tjáð með einskonar pappírsbrúðuleikriti.
Sami vitri maður sýndi okkur annað leikrit, skuggaleikrit á máluðum fjöldjúpum bakgrunnum þar sem eitthvað dularfullt átti sér stað. Maður í fjarska labbaði burt og skuggar hans sáust frá mörgum hliðum og voru sumir eins og hann væri að labba í áttina að okkur en aðrir eins og hann væri að labba frá.

Öskurkarlar

2008-01-07T11:36:00.000Z

Hér með er tilraun sett til að fá google til að gefa upp síðu mína þegar fólk leitar að öskurkörlum. Öskurkarlar eru feitir loðnir menn sem öskra og berja sér á bumbu á milli þess sem þeir borða ruslið þitt.

Öskurkarl úti á lífinu.

2008-01-07T01:09:00.000Z

Þrándheimur í næstu viku - 16. janúar.
Flyt með fjölskyldunni á Baldursgötuna í lok janúar/byrjun febrúar.
Brútal próf í feb og mars.
Líf og fjör í Erilborg.

T'is the season

2007-12-29T11:50:00.000Z

Topp 5 plötur 2007:
1. Icarus Line - Black Lives at the Golden Coast

2. Hella - There's no 666 in Outer Space

3. Animal Collective - Strawberry Jam

4. Stephan Bodzin - Liebe ist...

5. Gui Boratto - Chromophobia

Stundum gerast hlutir sem eru svo absúrd að maður veit ekki alveg hvernig manni á að líða eða hvernig maður á að bregðast við. Fór á æfingu í gær um 19-leytið og þegar ég kom upp í húsnæði heyrði ég að bæði Kári og Úlfur voru mættir.
Þegar ég opnaði hurðina inn í herbergi blés á móti mér alveg hræðilegri ýldufýlu sem virtist bundin við herbergið okkar. Þetta var svona kjallara og skítugs-teppis lykt í bland við æluhvetjandi líklykt. Oft hefur maður fundið viðbjóðslega lykt þarna upp á Granda, það er þá helst úldin slorbjóðslykt úr fiskvinnsluhúsunum þarna í grenndinni, rotin fiskilík. Nema hvað, núna var þessi lykt ekki úti fyrir og ekki um allt húsið heldur aðeins í herberginu okkar og var líka ekki alveg þessi dæmigerða lykt sem maður finnur oft þarna. Ég tók fyrir vitin og hélt inn í mér andanum, þeir voru að spila og virtust vera búnir að venjast lyktinni. Þegar þeir hættu að spila og ég var kominn aftur inn í herbergi eftir að hafa farið út til að jafna mig og ná andanum spurði ég þá hvaða viðbjóðslega lykt þetta væri, og hvort þeir finndu hana ekki. Jú, þeir voru alveg sammála, það var einhver skrýtin lykt þarna inni. Jæja lítið gátum við svo sem gert í þessu annað en að hafa opið fram og sætta okkur við þetta. Úlfur sagði mér svo að það væri bara ein jacksnúra laus þarna og það kom í ljós að enginn af okkur vissi hvað hafði orðið um þær 5 eða 6 snúrur sem voru ekki þarna en mig vantaði amk eina til þess að geta spilað.
Svo rifjaðist það upp að svartmálmshobbitarnir sem leigja herbergið með okkur höfðu hringt í Úlf síðustu helgi og beðið um að fá mic-snúrur að láni. Við ályktuðum að þeir hefðu fengið jacksnúrurnar líka og fannst það frekar súrt að þeir hefðu ekki beðið um leyfi og heldur verra að þeir höfðu ekki skilað snúrunum. Við ákváðum þá að róta aðeins í dótinu þeirra sem lá þarna um herbergið. Magnarar, nokkrir pokar hér og þar og ýmislegt smárusl. Svartur ruslapoki blasti við okkur í miðju herberginu og var mjög grunsamlegur á að líta sem geymslustaður snúranna. Úlfur tók pokann og leit ofan í hann. Tilkynnti okkur síðan furðu stóískt, “strákar, það er svínshaus í pokanum”. “Ojj”.
Jebb, meðleigjendum okkar hafði greinilega fundist það góð hugmynd að geyma þennan ófrýnilega svínshaus í herberginu okkar.
Þegar við sögðum gæslumanninum frá þessu brosti hann rólega í annað munnvikið og sagði: “jáá... það voru tónleikar síðustu helgi”. Frekari útskýringa fannst hann ekki þörf en við áttuðum okkur á því að hausinn góði hafði verið notaður til skrauts á tónleikum andkristnihátíðar sem haldin var heilög í Helli Tónlistarþróunarmiðstöðvarinnar. Úlfur hringdi síðan í tengiliði hljómsveitarinnar (sem sátu sennilega við matarborðið í jólaboði með ömmu sinni og afa og báðu bænir) og spurði þá út í snúrurnar. Þegar ég pæli í því þá held ég reyndar að hann hafi gleymt að minnast á svínshausinn.

Svalur

2007-12-26T17:48:00.000Z

Hann Jack Nicholson er frekar töff göltur.

2007-12-14T13:39:00.000Z

McCartney brands label 'boring'
Ég hélt fyrst að Paul McCartney væri kominn útúr skápnum með nýjan merkimiða á tónlistina sína. Svo gott er það ekki.

2007-12-08T14:50:00.000Z

http://news.bbc.co.uk/2/hi/programmes/click_online/7130596.stm

Skelfilegt hvernig tiltölulega virtar fréttastofnanir eins og BBC og reyndar margar fleiri birta hverja fréttina á eftir annarri um tónlistar"iðnaðinn" í einhverskonar vorkunnar og samúðartón til stórra plötufyrirtækja. Menn eru alltaf að fleygja orðum eins og "music business" "industry" etc. Því er troðið ofan í fólk að það halli á hann. Maður er jafnvel látinn halda að það halli á tónlist, svona almennt, að tónlist sem hreyfing og fyrirbæri sé illa stödd. Sem er argasta og heimskasta þvæla. Það eina sem hallar á er stórfyrirtækin sem hafa ekki staðið sína pligt við að fylgja tíðarandanum. Það er æ ofan í æ verið að láta neytendur halda að þessar breytingar sem eiga sér stað séu slæmar.
Það kemur okkur ekki við að ofríkir pjakkjakkar hafi ekki lengur efni á gullgosbrunni í garðinn sinn og verði að sætta sig við marmarann. Ekki á slæman hátt a.m.k. Minni fyrirtæki eru að sækja í sig veðrið, fleira fólk fær möguleika á að láta ljós sitt skína, peningarnir dreifast á fleiri hendur. Sem er allt saman hið besta mál.

2007-12-04T13:20:00.000Z

Það er spurning hvort það sé ekki komin þörf fyrir einhvers konar alhliða trúarbragðastofnun í stað þeirrar afmyndunar sem hin kristilega ríkiskirkja hefur gengist undir síðustu áratugi (sbr. óheilagar útfarir og fleira skemmtistarf sem hefur bæst við vinnuálag presta). Er ekki formlegur aðskilnaður löngu tímabær?
Nú virðast prestar t.d. telja það hluta af sinni skyldu að ganga milli skóla og fræða börn í skólum um Krist en ekki bara um Kristmus heldur líka um fleiri galdrakalla (og kellingar). Það var a.m.k. ekki annað að heyra af orðum Jónu Hrannar í Kastljósi gærkvöldsins. Þar lét hún m.a. uppi að mögulega ættu krossfarar ríkiskirkjunnar einnig að fræða börn um önnur trúarbrögð en kristni innan skólanna. Hún vill nefnilega ekki meina að það sem fari fram sé trúboð, heldur sé þetta fræðsla.
Mín skoðun er hinsvegar sú að það séu ráðnir kennarar hverrar menntastofnunar sem eigi að sjá um fræðslu, óháð því hvort þeir séu í sínu einkalífi trúlausir eða handbendi heilagra afla.

2007-11-29T23:05:00.000Z

Það er helst í fréttum að við í M.A.N. erum komnir með herbergi í TÞM.
Þá er ég loksins farinn að rúlla í takt við yfirferð námsefnisins, í meinafræðinni a.m.k. Ég sé fram á frekar sweet helgi, kíkja á lyfjafræðina, glugga gegnum glærushow meinafræðinnar, taka æfingu, kaupa micsnúrur og strengi í kassagítarinn og taka það almennt rólega bara. Við fólk sem er að fara í jólapróf vil ég segja: Góða skemmtun!.

2007-11-22T15:11:00.001Z

Sara Karlsdóttir nokkur hyggst gefa út bók á næsta ári "Leiðarvísir Piparsveinsins", þar sem meðal annars verður að finna einfaldar uppskriftir að máltíðum fyrir deit. Þrátt fyrir mjög góða hugmynd og skemmtilega sýn á hvernig bókin eigi að vera þá kem ég strax auga á tvö reginmistök varðandi þessa bók.
Í fyrsta lagi þá er máltíðum fyrir deitin skipt upp eftir því hversu álitleg stelpan er. Það hlýtur að vera frekar móðgandi fyrir stelpu að koma auga á bókina í eldhúsinu og fá svo máltíð beint uppúr bókinni úr flokknum "allt í lagi" í staðinn fyrir "fín" eða "aðaldaman". Sniðugra væri að flokka þetta ekkert alltof mikið niður en halda þó þeirri grunnflokkun sem hún talar um: "Heimsóknarmöns" (brilliant nafn á flokki), "deitréttir", "þynnkumatur", "kokteilar" osfrv.
Önnur stór mistök væru að gefa þetta út eftir jól. Ég trúi því ekki upp á marga karlmenn að þeir séu að fara að kaupa þessa bók sjálfir. Hinsvegar er þetta brilliant gjöf og er ein af þessum gjöfum sem öllum (nema kannski þiggjandanum) finnst ógurlega sniðug. Þess vegna væri það mun sterkari leikur að bíða með þessa bók fram að næstu jólum eða koma henni strax út.
Mikið props fær Sara þó fyrir þá djörfu viðleitni í pempíujarðvegi hversdagsins að ætla að hafa myndirnar í bókinni "karlvænni" en bara myndir af réttunum.

2007-11-13T18:44:00.000Z

Furðuhress klausa úr Neoplasiu-kaflanum í Meinafræðibókinni:
There is no escape: It seems that everything one does to earn a livelihood, to subsist, or to enjoy life turns out to be illegal, immoral, or fattening, or --most disturbing--possibly carcinogenic.

Annars var hér áðan fasteignasali og kona hans held ég (sterkt múv) að kammóast og seiðbrugga fram innihaldsefnin í fasteignamat sem hann bauðst til að gera að kostnaðarlausu. Mér leið einhverra hluta vegna eins og við værum með draugabana í húsinu.
Hann endaði annars heimsóknina á að blaðra um sparnað þess að raka sig ekki þar sem rakvélablöð væru svo óhemju dýr. Það virðast allir vera sammála um að Gillette-veldið haldi okkur karlmönnum í heljargreipum hégómans og kvengervingar-dýrkunar.

2007-11-12T13:35:00.000Z

Tómas kom með ágætis samlíkingu varðandi Chavez-haltu-kjafti-málið. Svona svo maður geri sér enn betur grein fyrir fyndninni í þessu getur maður ímyndað sér ef Elísabet II Englandsdrottning myndi segja við andlitssveittan Mugabe: "shut your potty mouth!".
Beowulf verður frumsýnd hérlendis þarnæstu helgi, það hefur sjaldan verið jafn mikil spenna fyrir bíóferð hjá mér.

Döbb

2007-11-03T16:55:00.000Z

Ég er ekkert smá ánægður fyrir hönd TÞM og allra þeirra sem æfa þar með nýjan samning um árlega styrkveitingu Reykjavíkurborga til þeirra, til hamingju TÞM.
Vetur:

2007-10-26T21:24:00.000Z

Hér er mjög gott myndskeið um listina að tala útúr rassgatinu á sér eða: .
"The art of talking out of your ass, by Lambhagi"
Ég hef líka heyrt því fleygt að í hveitigrasinu góða séu glúkósaefni, moldarviðarkvoðufjör, bruggplasmi, vísindamenn hafa rannsakað H2O (sem er einmitt í þessu), 7 tígrisdýr, nashyrningur og ýmis konar amöbuofurefni.

2007-10-26T01:11:00.000Z

Rósa vinkona Sveinbjargar (stóra systir) heldur upp á afmælið sitt á morgun og verður með Vondu laga keppni. Í tilefni af því gerðum ég og Sveinbjörg lag í gærkvöldi sem mér finnst hafa komið mjög vel út og er hægt að dl-a því hér:

Scorpio Rose

2007-10-19T14:53:00.000Z

"When, some 40 years later, scientists were finally able to read all of the DNA in our cells they were able to show that there was no scientific basis for the concept of race.

People from different racial groups can be more genetically similar than individuals within the same group. Genetic studies show that there is more variability in the gene pool in Africa, than outside."
http://news.bbc.co.uk/2/hi/science/nature/7052416.stm

Skarfurinn hann Watson hefur komið sér í mikinn bobba með klaufalegum ummælum um mismunandi gáfur milli kynþátta. BBC sér ástæðu til að enda frétt sína á röngum staðhæfingum sem ég vitna í hér að ofan. Þetta er dæmi um hvað öfgafullt political correctness getur ýtt undir hindurvitni. Ef þetta væri satt gætum við allt eins sagt að engin vísindaleg stoð væri fyrir flokkun lífs niður í tegundir, hún verður auðvitað aldrei fullkomin og klippt og skorin en er engu að síður nytsamleg. Gróf flokkun fólks niður í kynþætti eða eftir uppruna hefur hjálpað gífurlega við vali á viðeigandi lækningameðferðum, t.d. við ákvörðun á hæfilegum lyfjaskammti og á því hvaða staðla sé best að nota fyrir hin ýmsu greiningarpróf. Það er eitt að horfa illu auga til fólks vegna uppruna eða kynþáttar en það er allt annað og fullkomlega eðlilegt að játa að fólk er mismunandi. Þá er einnig mikilvægt að átta sig á því að gáfur fólks ætti ekki að meta einungis út frá hæfni til upplýsingageymslu heldur einnig út frá ýmsum öðrum þáttum eins og rýmdarskynjun, tóneyra, stöðu og líkamsskynjun, rökvísi, máltilfinningu ofl, ofl.

All Black arrested near airport

2007-10-10T11:56:00.000Z

Var einhver sem misskildi þessa fyrirsögn jafn hrapallega og ég?

All Black arrested near airport

Frekar mikið rúst

2007-10-09T12:41:00.000Z

Jæja þá er ég búinn að rústa þessum prófum þar til eftir áramót!
En það er samt hundleiðinlegt að þurfa að fara í skólann á morgun.

Reykingar

2007-10-07T18:22:00.000Z

Í tilefni þess að slatti af fólki sem ég hélt að væri skynsamt er orðið að dagreykingafólki vil ég hvetja fólk almennt sem er nýbyrjað að hætta áður en það mun ekki geta hætt.

Lynch

2007-09-30T02:33:00.000Z

Vá ég hef lengi borið mikla virðingu fyrir David Lynch. Vegna þess hversu djarfur hann er. Hvernig hann er einn af fáum mönnum sem heldur súrrealisma í kvikmyndagerð í meginstraumnum. Hvernig hann getur skapað ólýsanlegar tilfinningar og ótrúlega kraftmikla stemmningu í atriðum.
En ég hafði ekki hugmynd um það fyrr en áðan að hann væri tónlistarmaður. Eitt það besta við myndirnar hans hefur einmitt verið tónlistin. Twin Peaks og Wild at Heart eru ofarlega yfir uppáhöld og tónlistin í Inland Empire er algjör snilld og sennilega uppáhalds soundtrackið mitt úr Lynch mynd og bara yfirhöfuð eitt af mínum uppáhalds. Svo kemur það uppúr krafsinu þegar ég er að skoða hver semur og flytur tónlistina að Lynch semur og útfærir einhver bestu lögin í myndinni "Ghost of Love", "Polish Night Music No. 1", "Polish Poem", "Walkin' on the Sky" og syngur þar að auki í ghost of love. Í Polish Poem, syngur kona að nafni Chrysta Bell og mér skilst að hún og David Lynch séu með heila plötu í bígerð. Ég hlakka rosalega mikið til að heyra hana.

"Ghost of Love"

Og já næsta brot er kannski megaspoiler þar sem þetta er lokaatriðið í myndinni (með David Lynch/Chrystu Bell laginu "Polish Poem") en líka það langbesta. Þessi mynd er samt það dadaísk að það er spurning hvort þetta teljist sem spoiler.

2007-09-27T16:49:00.000Z

Leiðari Ólafs Þ. Stephenssonar í Blaðinu í dag finnst mér lykta af reiði og kannski þess vegna fávísi eða þröngsýni. Í tilefni af því langar mig að skrifa smá klausu um muninn á veggjalist og veggjakroti.
Götulist er stór og litskrúðugur hluti af menningu margra samfélaga. Sem grein alþýðulistar er hún ekki óæðri og ekki minna spennandi en list sem er fjármögnuð af ríki eða fyrirtækjum. Við höfum þar blöndu listamanna eins og t.d. leikara, dansara, sjónlistamanna og tónlistarmanna sem, sérstaklega í fjölmennari og rótgrónari borgum, gæða stræti og torg miklu lífi. Götulist Reykjavíkur er svo vægt sé til orða tekið, afar fátækleg, en hún er hartnær engin. Við höfum að vísu Jójó í Lækjargötu og harmónikkuleikarann við Bónus í Smáratorgi. Það er sennilega hægt að telja þá sem stunda framkomulist (performance art) í Reykjavík og nágrenni á fingrum annarrar handar enda atvinnuástand hér það gott að ekki er mikið um heimilislausa eða atvinnulausa en þeir eru oft stór hluti framkomulistamanna. Auk þess er veðrið hér utan sumars ekki mjög vænlegt til mikillar útiveru. Það eru því aðallega ríkisstyrkt samtök ungmenna sem sjá um þennan bálk menningarlífsins á Íslandi á sumrin og má þar nefna sem dæmi Götuleikhúsið og skapandi sumarverkefni Hins Hússins sem lukkast oft ágætlega.
Veggjalist er ein grein götulistar sem er auðveldara að stunda allan ársins hring en margar aðrar því hún krefst ekki stöðugrar nærveru listamannsins til að njóta sín. Hefur hún verið nokkuð vinsæl á Íslandi, sérstaklega meðal ungs fólks sem fær útrás fyrir sköpunargleðinni og getur komið list sinni á framfæri á þennan hátt. Mjög góður vettvangur fyrir list þeirra eru undirgöng. Fyrir fáeinum árum þótti mér mjög gaman að labba gegnum undirgöngin undir Miklubraut við Lönguhlíð. Ég var spenntur að sjá hvort einhver hafði gert nýtt verk þarna eða hvort “flotta verkið” hefði haldist ósnert. Nú eftir “stríðið gegn veggjakroti” hafa þessi og sennilega fleiri undirgöng verið mjög nöpur. Kaldir hvítþvegnir veggir, með stöku veggjarkroti hér og þar. Á sama tíma hef ég séð sama ruslið liggja í gulum aurpollum (þar sem lagnir þarna virðast vera að tærast) vikum, jafnvel mánuðum saman, svo þessi hvítþvottur virðist mér vera afar yfirborðskenndur. Ég hef ekki séð einn einasta mann ganga í gegnum þessi göng síðan þetta yfirlýsta stríð hófst.
Það er gott og blessað að fólk sé minnt á að virða eigur annarra. Mistökin eru hinsvegar þau að veggjakrot og veggjalist eru sett í sama hatt og að vettvangur veggjalistar sé fjarlægður. Nú er krotið sennilega orðið enn algengara á einkaeigum og hefur stríðið orðið til þess að flokkur svartra sauða með úðabrúsa eða tússa finnur til samstöðu gegn yfirvaldinu og fyllist aukinni spennunautn við gjörðir sínar. Það er í allt öðrum tilgangi sem þessir einstaklingar sprauta úr úðabrúsunum. Það er gert af barnaskap, í uppreisnarskyni eða sem eftirherma af klanmenningu annarra landa þar sem menn með túss eða brúsa, svipað og mígandi hundar, merkja sér svæði.
Nú er kannski ósanngjarnt að úthrópa tilraun til lausna gegn sóðaskap án þess að reyna að benda á aðra lausn. Því vil ég benda á þá lausn að veggjalist sé leyfð á stöðum eins og undirgöngum en meira púður sé sett í að stöðva krot á einkaeigum. Þá finnst mér að í stað sekta ættu veggjakrotarar að vera skikkaðir til að stunda samfélagsþjónustu í einhvern tíma, helst við að þrífa upp veggjakrot.

Veggjalist:

http://surfcore.co.uk/files/images/graffiti.jpg
http://avile.blogspot.es/img/Graffiti1.jpg
http://www.benettontalk.com/graffiti3.jpg
http://www.publiblanes.net/Reportajes/Graffitis/graffiti-5-blanes.jpg
http://www.publiblanes.net/Reportajes/graffitis_2006/graffiti_saturno.JPG
http://www.duncancumming.co.uk/photos/love-graffiti.jpg
http://www.uni.uiuc.edu/library/blog/blog_images/graffiti.jpg
http://www.sauer-thompson.com/junkforcode/archives/Graffiti1.jpg

Veggjakrot:

http://melbourne.metblogs.com/archives/images/2006/02/totalblog.jpg

http://www.privateinvestigatornewyork.com/files/images/cho%20gfm.jpg
http://www.privateinvestigatornewyork.com/files/images/cgs2.jpg
http://www.indymedia.ie/attachments/feb2006/graf_tag_dub_feb_06_01.jpg

2007-09-24T18:04:00.000Z

2007-09-23T12:35:00.000Z

http://en.wikinews.org/wiki/Student_arrested_over_art_shirt_with_exposed_wiring_at_Boston_Airport

"This is a serious event and was handled quickly and safely. She claims this was art and just wanted to display the art. She didn't understand the seriousness of the situation and she is lucky we did not use deadly force because we had machine guns on scene," said authorities during a press conference at 11:00 a.m. today.

"She's extremely lucky she followed the instructions or deadly force would have been used. And she's lucky to be in a cell as opposed to the morgue," said Pare.

Líkt og þessi stúlka, verðum við og einnig öll að vera þakklát fyrir að refsivald þessa lands skýtur okkur ekki á færi þegar við gerum grunsamlega hluti eins og t.d. að gefa ekki stefnuljós og syngja jólalög um hásumar. Bæði hef ég gerst sekur um og er enda þakklátur fyrir að ég ligg ekki undir grænni torfu.

2007-09-17T01:03:00.000Z

Ég dottaði í svona fimm sekúndur yfir Blue Velvet og mig dreymdi að einhver snillingur hefði fundið upp brautryðjandi tækni í að borða brauð með nefinu. Ég öfundaði hann af einhverjum ástæðum.

2007-09-13T15:45:00.000Z

Skítaveður er þetta. Ég vil áminna fimmtudagsdjammara og gefa líka snemmbúið heads up til þeirra sem ætla að skemmta sér um helgina að nú er officially búið að svipta okkur frelsinu til að skvetta úr skinnsokknum á almennafæri. Nema gegn gjaldi að vísu. Frelsið sveimar hratt að því að verða innantómt orð þegar maður getur ekki einu sinni grínast í fólki með því að pissa á hurðarnar þeirra.
Hvað er næst? Bannað að kúka í blómapottana hjá fólki?! Hvar endar þetta eiginlega?! Er ekkert heilagt lengur?

2007-09-11T16:42:00.000Z

Fékk mér Flickr fyrir myndr úr nýja símanum mínum.
Voila

2007-09-07T14:03:00.001Z

Skoðaði einhver fréttablaðið í gær? Sjáið auglýsinguna frá Tölvulistanum.
Sjáið Rúnna Júll, Nasabað Ljótu Hálfvitanna, perluruglsauglýsinguna ofl ofl..
Ef einhverjum tækist að sannfæra mig um annað en að einhvers konar
samkeppni um mest fráhrindandi auglýsinguna hafi verið í gangi
þá yrði ég hissa.

2007-09-06T19:32:00.000Z

Það er ótrúlegt hvað almenn afköst og dugnaður geta aukist þegar það er mikið að gera hjá manni. Reyndar hljómar þetta svolítið eins og “þegar skeið er skeið er hún skeið” en málið er samt að þegar maður hefur mikið að gera þá hefur maður svo lítinn tíma að maður er alltaf að flýta sér að klára allt. Maður hangsar ekkert við að koma hlutunum í verk. Þegar tækifærið býðst er gæsin gripin.
Hinsvegar er það þannig að þegar ekkert er að gera, liggur ekkert á hlutunum, og þá er engin ástæða til að flýta sér. Flest er látið sitja á hakanum fram á síðustu stundu og verður annaðhvort hálfklárað eða látið bíða betri tíma.

2007-09-02T17:48:00.000Z

Ég er ansi hræddur um að ýmsar gersemar hafi farist þegar mamma og pabbi tóku spólusafnið í gegn og hentu um 90% af því. Twin Peaks safnið held ég t.d. að hafi verið þar á meðal. Ég fór niður í geymslu áðan og sá allaveganna að Wild at Heart og Delicatessen eru ekki enn komnar á haugana. Það er einhver heimskulegur sjarmi yfir spólum, sérstaklega heimauppteknum. Bæði kassettunum sjálfum og eins bjöguðu innihaldinu.

2007-08-28T13:36:00.000Z

Kom í ljós að mini-cdr diskarnir sem ég pantaði fyrir mánuði höfðu aldrei verið skipsendir. Ljótu bjánarnir, þeir þykjast allavega vera sorrý yfir þessu.
Annars fer allt á fullt við að koma út Ævi um leið og diskarnir koma til landsins. Reyndar spurning um að fara bara strax með kartonin í prentun. Var að komast að því í gær mér til ómældrar ánægju að ég fæ 35% afslátt í Gutenberg vegna stúdentakortsins.
Svona lítur semsagt framhliðin út:

Tilkynning

2007-08-24T10:36:00.000Z

Ég sá lunda trítla um á hverfisgötunni í fyrradag.
Það þykir mér mjög svo í frásögur færandi og þetta er jafnvel enn undarlegra því ég komst að því í gær að Heimir, Gummi, Bóas ofl halda klúbbakvöld/tískusýningu á laugardaginn sem heitir einmitt "Lundi".
Ég fór að hugsa með mér: Ja hérna, nú vantar bara þriðja lundann til að fullkomna ritjúalið... Forsíðufyrirsögn á mbl.is áðan: Lítið um lundapysjur í Eyjum. Spooky.

2007-08-13T23:05:00.000Z

Fylgni er milli fjölgunar lögreglumanna í Reykjavík undanfarin ár og hækkandi hitastigs jarðar.
Það verður hér með metið þannig með aðferðafræði sjálfs lögreglustjóra að lögregluþjónar séu orðin umtalsverð ógn við eðlilegt loftslag jarðar og stuðli að gróðurhúsaáhrifum.

2007-08-06T14:17:00.000Z

Mínus stakk svo æðislega í stúf á Innipúkanum í gær með útúrtrylltu og frábærlega skemmtilegu showi. Bjössi lét sem andsetinn væri eftir að hann stútaði bassatrommunni sinni og hrinti trommunum sínum hryssingslega frá sér svo þær ultu um koll. Strunsaði svo af sviðinu með geðsýkisneista yfir sér og sótti sér nýja skinnu á trommuna. Hann ákvað svo réttlega að stundin til að laga trommuna væri liðin, tók upp bassatrommuna með skemmdu skinnunni og stakk hausnum inní hana, marséraði svo um sviðið í vúdútransi í þeirri súrrealísku múnderingu. Ef það er ekki til video af þessum atburði fer ég að gráta.

2007-07-30T20:18:00.000Z

Ég hef verið að hugsa af og til um palindromes undanfarið, spegilsetningar held ég að það kallist eða gæti allavega verið kallað.
T.d: Amma sá afa káfa af ákafa á samma.
Helvíti gott. Svo er til önnur sem er álíka pervertaleg: Arafat sarð rök skörð rastafara.
Ég reyndi að búa svona til en það tókst ekki, mér tókst þó að gera 5 setningar sem hægt er að fara með afturábak og áfram þó merkingin breytist reyndar:

Anna hratt otur á bakkar.
Rakka Báru tottar Hanna.

Ása sumar gaf Gosa lás.
Sálasog fagra Musa sá.

Ási spes á sár sepsis á.
Ási spes rás á sepsis á.

Ása Rósar gaf Ara sýn Halla.
Allah, ný Sara fagra sóra sá.

Alli át alla magra, fatsilla.
Alli stafar "gamalla tá" illa.